"Севилья" ярим ҳимоячиси Иско қишки трансфер ойнасидаёқ жамоани тарк этиши мумкин, деб хабар бермоқда Marca Relevo нашрига таяниб.

Манба берган хабарга кўра, шу ҳафтада 30 ёшли ярим ҳимоячи ва спорт директори Мончи ўртасида ўзаро суҳбат бўлиб, охири можаро билан тугаган.

Испаниялик футболчи клуб лойиҳаси барбод бўлаётганини таъкидлаган ва у умуман жамоага фақат октябрь ойида ишдан бўшатилган мураббий Хулен Лопетеги учун келган.

Шу билан бирга, янги мураббийлар штаби Исконинг формасидан норози. Жорий мавсумда плеймейкер 19 та ўйинда майдонга тушиб, 1 та гол ва 3 та голли узатмани амалга оширди.

14-турдан кейин “Севилья” Ла Лиганинг қуйи лигага тушиб кетиш зонасида бормоқда.