Madridning “Atletiko” klubi hujumchisi Mateus Kunya Londonning “Arsenal” klubining radariga tushib qoldi.
The Athletic nashrining xabariga ko‘ra, "kanonirlar" braziliyalik futbolchini qishki transfer oynasida o‘z safiga qo‘shib olmoqchi.
Manbaga ko‘ra, "kanonirlar" bosh murabbiyi Mikel Arteta Kunyani tizzasidagi jarrohlik amaliyoti tufayli taxminan uch oyni o‘tkazib yuborishga majbur bo‘lgan jarohat olgan Gabriel Jezusning o‘rniga o‘rinbosar sifatida ko‘rmoqda.
Avvalroq Kunya Angliyaning boshqa klubi - "Vulverxempton"ga o‘tish arafasida turgani, u yangi bosh murabbiyi Xulen Lopetegi qo‘l ostida kuchaymoqchi ekanligi haqida xabar berilgandi.
