Мадриднинг “Атлетико” клуби ҳужумчиси Матеус Кунья Лондоннинг “Арсенал” клубининг радарига тушиб қолди.
The Athletic нашрининг хабарига кўра, "канонирлар" бразилиялик футболчини қишки трансфер ойнасида ўз сафига қўшиб олмоқчи.
Манбага кўра, "канонирлар" бош мураббийи Микель Артета Куньяни тиззасидаги жарроҳлик амалиёти туфайли тахминан уч ойни ўтказиб юборишга мажбур бўлган жароҳат олган Габриэль Жезуснинг ўрнига ўринбосар сифатида кўрмоқда.
Аввалроқ Кунья Англиянинг бошқа клуби - "Вулверхэмптон"га ўтиш арафасида тургани, у янги бош мураббийи Хулен Лопетеги қўл остида кучаймоқчи эканлиги ҳақида хабар берилганди.
