Foot365 nashrining xabar berishicha, "Vest Xem" "Atalanta" yarim himoyachisi Ruslan Malinovskiyga qiziqish bildirmoqda.
Manbaga ko‘ra, "Vest Xem" va "Tottenxem" 29 yoshli ukrainalik futbolchini anchadan beri kuzatib borishmoqda. Avvalroq yarim himoyachining "shporlar"ga o‘tishi muvaffaqiyatsiz bo‘lgani ma’lum bo‘lgandi.
"Atalanta" Malinovskiyni 15-20 million yevroga baholaydi, bu esa Fransiyaning "Marsel" jamoasi uchun muammo. Ingliz klublari boshqa holatda va bu summani juda katta deb hisoblamaydi.