"Barselona" himoyaning o‘ng qanotini kuchaytirishni kutmoqda. Kataloniya klubining short-listida nafaqat Denzel Dyumfris, balki Yosip Yuranovich ham bor.
Fichajes nashrining so‘zlariga ko‘ra, "ko‘k-anorranglilar" Xorvatiya terma jamoasi tarkibida jahon chempionatida yaxshi o‘yin ko‘rsatgan 27 yoshli futbolchini diqqat bilan kuzatib borishmoqda.
Klub darajasida Yosip Yuranovich "Seltik"da o‘ynaydi va ikkinchi mavsumini Shotlandiyada o‘tkazadi. "Oq-yashillar" uchun xorvatiyalik himoyachi 50ta o‘yin o‘tkazib, 6ta gol urdi va 3ta golga assistentlik qildi.
Transfermarkt portali Yosip Yuranovichni 6,5 million yevroga baholamoqda.
