"Барселона" ҳимоянинг ўнг қанотини кучайтиришни кутмоқда. Каталония клубининг шорт-листида нафақат Дензел Дюмфрис, балки Йосип Юранович ҳам бор.
Fichajes нашрининг сўзларига кўра, "кўк-анорранглилар" Хорватия терма жамоаси таркибида жаҳон чемпионатида яхши ўйин кўрсатган 27 ёшли футболчини диққат билан кузатиб боришмоқда.
Клуб даражасида Йосип Юранович "Селтик"да ўйнайди ва иккинчи мавсумини Шотландияда ўтказади. "Оқ-яшиллар" учун хорватиялик ҳимоячи 50та ўйин ўтказиб, 6та гол урди ва 3та голга ассистентлик қилди.
Тransfermarkt портали Йосип Юрановични 6,5 миллион еврога баҳоламоқда.
