"Manchester Siti" yarim himoyachisi Ilkay Gyundogan "Real"ga o‘tmaydi.

Defensa Central nashri xabariga ko‘ra, Madrid grandi germaniyalik futbolchini o‘z safiga qo‘shib olish variantidan bosh tortgan, garchi Gyundogan yozda erkin agentga aylanishi mumkin bo‘lsa-da.

Yevropaning ko‘plab klublari yarim himoyachini tekinga olish imkoniyatini hisobga olib, 32 yoshli Ilkay Gyundoganga qiziqish bildirishmoqda.

Ilkay Gyundogan 2016 yilning yozidan buyon "Manchester Siti"da o‘ynab kelmoqda. O‘shandan beri nemis "shaharliklar" safida 273 ta rasmiy o‘yin o‘tkazdi. Ularda yarim himoyachi 51 ta gol urgan va sheriklariga 35 ta golli uzatma bergan.