Butun dunyoning boshida hozir bir o‘y bor. U ham bo‘lsa, mundialda kim g‘olib bo‘lishi-yu, kim finalga yo‘l olishidir. Ayrim kutilmagan jamoalar yarim finalga yetib keldi. Bu bosqichida biz o‘tgan turnirning finalchilari bo‘lgan Xorvatiya va Fransiyani ko‘rishimiz mumkin. Hamma xar hil gapiradi. Ammo superkompyuterlarning taxminlari ba’zan to‘g‘ri chiqqan. Quyida shu haqida.
"Uch ranglilar" chorak-final bosqichida ashaddiy raqibi bo‘lgan inglizlarni yer tishlatdi va keyingi o‘yinni o‘tkazadigan bo‘ldi. Fransiyaga yarim-finalda Marokash raqiblik qiladi. "Atlas sherlari" Portugaliya to‘sig‘idan muvaffaqiyatli o‘ta olgan edi. Ular Afrika qit’asidan bo‘lgan tarixdagi ilk yarim finalchiga aylandi.
Bu tomonda Argentina dunyoning eng kuchli terma jamoasi sifatida e’tirof etilayotgan Braziliyani taslim etgan Xorvatiya bilan uchrashadi. Superkompyuter qilgan tahlillar asosida shuni aytish mumkinki, finalda Argentina va Fransiya to‘qnash keladi. Bu bahsda Fransiya yana g‘alaba qozonadi va JCHda ketma-ket zafar quchgan Italiya va Braziliyadan keyingi, uchinchi davlatga aylanadi.
Bu haqida bir tahlilchi shunday deydi: "Bizni 18 dekabr kuni klassik to‘qnashuv, Argentina va Fransiya qarama-qarshiligi kutib turibdi. Lionel Messi va Kilian Mbappe, qariya va yosh, "Oltin to‘p" sohibi va bu sovrinni bo‘lajak egasini maydonda ko‘rish barcha uchun qiziq bo‘ladi. Qolaversa, ular klub miqyosida bir jamoa sharafini himoya qiladi. Ha, bunda Marokash va Xorvatiyaga achinishingiz mumkindir. Ammo ular hozirgacha ham, alllaqachon qahramonga aylanishdi".
Eslatib o‘tamiz, mundial finali 18 dekabr kuni, O‘zbekiston vaqti bilan, soat 20:00da start oladi.
ISMATOV J.
