Бутун дунёнинг бошида ҳозир бир ўй бор. У ҳам бўлса, мундиалда ким ғолиб бўлиши-ю, ким финалга йўл олишидир. Айрим кутилмаган жамоалар ярим финалга етиб келди. Бу босқичида биз ўтган турнирнинг финалчилари бўлган Хорватия ва Францияни кўришимиз мумкин. Ҳамма хар ҳил гапиради. Аммо суперкомпютерларнинг тахминлари баъзан тўғри чиққан. Қуйида шу ҳақида.

"Уч ранглилар" чорак-финал босқичида ашаддий рақиби бўлган инглизларни ер тишлатди ва кейинги ўйинни ўтказадиган бўлди. Францияга ярим-финалда Марокаш рақиблик қилади. "Атлас шерлари" Португалия тўсиғидан муваффақиятли ўта олган эди. Улар Африка қитъасидан бўлган тарихдаги илк ярим финалчига айланди.
Бу томонда Аргентина дунёнинг энг кучли терма жамоаси сифатида эътироф этилаётган Бразилияни таслим этган Хорватия билан учрашади. Суперкомпютер қилган таҳлиллар асосида шуни айтиш мумкинки, финалда Аргентина ва Франция тўқнаш келади. Бу баҳсда Франция яна ғалаба қозонади ва ЖЧда кетма-кет зафар қучган Италия ва Бразилиядан кейинги, учинчи давлатга айланади.

Бу ҳақида бир таҳлилчи шундай дейди: "Бизни 18 декабрь куни классик тўқнашув, Аргентина ва Франция қарама-қаршилиги кутиб турибди. Лионель Месси ва Килиан Мбаппе, қария ва ёш, "Олтин тўп" соҳиби ва бу совринни бўлажак эгасини майдонда кўриш барча учун қизиқ бўлади. Қолаверса, улар клуб миқёсида бир жамоа шарафини ҳимоя қилади. Ҳа, бунда Марокаш ва Хорватияга ачинишингиз мумкиндир. Аммо улар ҳозиргача ҳам, алллақачон қаҳрамонга айланишди".

Эслатиб ўтамиз, мундиал финали 18 декабрь куни, Ўзбекистон вақти билан, соат 20:00да старт олади.

ИСМАТОВ Ж.