Xorvatiya terma jamoasi va Zagrebning "Dinamo" klubi darvozaboni Dominik Livakovich “Bavariya” futbolchisiga aylanishi mumkin.
Jurnalist Florian Plettenbergning xabar berishicha, nemis klubi 27 yoshli darvozabonning agentlari bilan muzokaralarni boshlagan.
"Bavariya" Livakovichni jarohat olgan Manuel Noyerga o‘rinbosar sifatida ko‘rmoqda. To‘pig‘i singanligi sababli Noyer 2022/23 yilgi mavsum oxirigacha safdan chiqqan edi.
Livakovich JCH-2022da ketma-ket 2 ta o‘yinda penaltilar seriyasida terma jamoasining g‘alaba qozonishiga yordam berdi.
Uning transfer narxi 8,5 million yevroni tashkil qiladi.
