Хорватия терма жамоаси ва Загребнинг "Динамо" клуби дарвозабони Доминик Ливакович “Бавария” футболчисига айланиши мумкин.
Журналист Флориан Плеттенбергнинг хабар беришича, немис клуби 27 ёшли дарвозабоннинг агентлари билан музокараларни бошлаган.
"Бавария" Ливаковични жароҳат олган Мануэль Нойерга ўринбосар сифатида кўрмоқда. Тўпиғи синганлиги сабабли Нойер 2022/23 йилги мавсум охиригача сафдан чиққан эди.
Ливакович ЖЧ-2022да кетма-кет 2 та ўйинда пенальтилар сериясида терма жамоасининг ғалаба қозонишига ёрдам берди.
Унинг трансфер нархи 8,5 миллион еврони ташкил қилади.
