"Neftchi" yangi mavsumga tayyorgarlik ko‘rish uchun o‘quv-yig‘in mashg‘ulotlarini boshladi. Toshkentdagi birinchi kun yig‘inida Vitaliy Levchenko shogirdlari nazariy va amaliy mashg‘ulotlarda ishtirok etishdi.

Yangi mavsumga jiddiy tayyorgarlik ko‘rayotgan farg‘onaliklarning birinchi bosqich mashg‘ulotlariga o‘tgan mavsumda harakat qilgan futbolchilar va o‘rinbosarlar jamoasining a’zolari jalb etilgan.

Shuningdek, jamoa bilan shartnoma imzolagan Nurillo To‘xtasinov, o‘tgan mavsum ijara asosida "Buxoro" tarkibida to‘p surgan Xumoyun Sherbo‘tayev hamda Chig‘atoy futbol maktabi tarbiyalanuvchisi, O‘zbekiston (U-20) terma jamoasi darvozaboni Asror Kenjayevlar ham jamoa safida mashg‘ulot olib borishdi.