"Нефтчи" янги мавсумга тайёргарлик кўриш учун ўқув-йиғин машғулотларини бошлади. Тошкентдаги биринчи кун йиғинида Виталий Левченко шогирдлари назарий ва амалий машғулотларда иштирок этишди.
Янги мавсумга жиддий тайёргарлик кўраётган фарғоналикларнинг биринчи босқич машғулотларига ўтган мавсумда ҳаракат қилган футболчилар ва ўринбосарлар жамоасининг аъзолари жалб этилган.
Шунингдек, жамоа билан шартнома имзолаган Нурилло Тўхтасинов, ўтган мавсум ижара асосида "Бухоро" таркибида тўп сурган Хумоюн Шербўтаев ҳамда Чиғатой футбол мактаби тарбияланувчиси, Ўзбекистон (U-20) терма жамоаси дарвозабони Асрор Кенжаевлар ҳам жамоа сафида машғулот олиб боришди.
