Braziliyalik sobiq hujumchi Ronaldoning fikricha, Neymar 2026 yilda bo‘lib o‘tadigan navbatdagi jahon chempionatida ishtirok eta oladi.
«Menimcha, Neymar Braziliya terma jamoasining natijasidan juda xafa. Ishonchim komilki, u bundan to‘g‘ri xulosa chiqaradi, keyinchalik kuchliroq bo‘lib qaytadi. Neymar hali yosh, menimcha, u keyingi jahon chempionatida o‘ynaydi», - deya Ronaldoning so‘zlarini keltiradi AP News.
Eslatib o‘tamiz, Braziliya terma jamoasi Xorvatiyaga imkoniyatni boy berib (1:1, penaltilar seriyasida 2:4) jahon chempionatini tark etgandi.
Turnirning yarim finalida xorvatlar Argentina bilan to‘qnash keladi, o‘yin birozdan so‘ng bo‘lib o‘tadi.
