Бразилиялик собиқ ҳужумчи Роналдонинг фикрича, Неймар 2026 йилда бўлиб ўтадиган навбатдаги жаҳон чемпионатида иштирок эта олади.
«Менимча, Неймар Бразилия терма жамоасининг натижасидан жуда хафа. Ишончим комилки, у бундан тўғри хулоса чиқаради, кейинчалик кучлироқ бўлиб қайтади. Неймар ҳали ёш, менимча, у кейинги жаҳон чемпионатида ўйнайди», - дея Роналдонинг сўзларини келтиради AP News.
Эслатиб ўтамиз, Бразилия терма жамоаси Хорватияга имкониятни бой бериб (1:1, пенальтилар сериясида 2:4) жаҳон чемпионатини тарк этганди.
Турнирнинг ярим финалида хорватлар Аргентина билан тўқнаш келади, ўйин бироздан сўнг бўлиб ўтади.
