"Napoli" "Sampdoriya" himoyachisi Bartosh Bereshinskiyni joriy mavsum oxirigacha ijaraga olish ustida ishlamoqda. Neapolliklar bosh murabbiyi Luchano Spaletti 30 yoshli polshalik jamoaga sifat va tarkibni kengaytirishdada yordam beradi, deb hisoblamoqda.

Football Itali xabariga ko‘ra, "Napoli" faqat olti oylik ijaraga qiziqmoqda. Ehtimol, agar Bereshinskiy klubda yaxshi o‘ynasa, rahbariyat shartnomani uzaytirish yoki to‘liq sotib olish haqida o‘ylashi mumkin.

Eslatib o‘tamiz, "Napoli" ayni damda "Milan"dan 8 ochko farqi bilan A Seriyada ishonchli peshqadamlik qilmoqda.