PSV Eyndxoven klubi ushbu jahon chempionatida Niderlandiya terma jamoasi safida uchta gol urgan hujumchi Kodi Gakpo uchun Madridning “Real” klubidan taklif kutmoqda.
Diario AS xabariga ko‘ra, PSV "Real"dan Gakpo uchun foydali taklif bilan chiqishni kutmoqda. Eslatib o‘tamiz, Niderlandiya klubi o‘z futbolchisini 60 million funt sterlingga baholamoqda. U yanvardagi transfer oynasidayoq qo‘yib yuborilishi mumkin edi, biroq avvalgi mish-mishlarga ko‘ra, "qirollik klubi" bu qishda hech kimni sotib olishni rejalashtirmayapti.
Gakpo uchun yana bir jiddiy da’vogar "Manchester Yunayted" bo‘lib, u futbolchini bosh murabbiy Erik ten Xag iltimosiga ko‘ra sotib olmoqchi.
