Yarim finalning ilk o‘yini nafaqat Lionel Messining rekordlari, balki jahon chempionatidagi hikoyasi ertak motivlariga ega bo‘lgan Xulian Alvaresning ham oqshomi bo‘ldi. U turnirga zaxira futbolchisi sifatida kelib, yarim finalda Xorvatiyaga qarshi o‘yinda (3:0) ikkita gol urdi va penalti ishlab, Lionel Messiga gol uchun vaziyat yaratib berdi.
Chapdagi surat 2011 yilning yozida, Argentina Amerika kubogiga mezbonlik qilgan va oxirgi turda jamoa Xulian Alvares voyaga yetgan provinsiya poytaxti Kordovaga o‘ynash uchun kelganida olingan. Yosh hujumchi - suratda u 11 yoshda - shaharga faqat Messini jonli ko‘rish uchun kelgan. U 2500 aholisi bo‘lgan oddiy qishloq xo‘jaligi Kalchin qishlog‘ida ulg‘aygan v - Messi hech qachon Kalchinga 100 kilometrdan yaqinroq kelmas edi. Xulian doimiy ravishda don sanoatida ishlagan otasidan ularni ikki aka-uka Rafael va Gustavo bilan birga olib borishni iltimos qildi. Sarguzasht muvaffaqiyatli bo‘ldi: kiraverishda terma jamoa futbolchilariga yaqinlasha olmagach, ular o‘yindan so‘ng tushlikka ketayotganda Messini ko‘rib qolishdi va Xulian Leo bilan rasmga tushishga muvaffaq bo‘ldi.
Xulian Alvares bu suratni 2015 yilda Messining tug‘ilgan kunida ijtimoiy tarmoqlarga joylashtirgandi. Va shunday izox yozgandi: “Tug‘ilgan kuningiz bilan, tarixdagi eng yaxshi futbolchi. #Messi28".
Alvares Messi bilan bir maydonda futbol o‘ynashni yoshligidan orzu qilgan. 2011 yil Xulian 10 yoshida bergan intervyusida u buni aytgan
- Kumiringiz kim?
- Messi.
- Sizning orzuingiz nima?
- Jahon chempionatida Messi bilan bir jamoada o‘ynash.
Endi esa o‘zi tug‘ilib o‘sgan Kalchinga kiraverishda “Xulian Alvares yurti Kalchinga xush kelibsiz” degan yozuvli surat bor.
Alvares - Kalchinning haqiqiy xalq qahramoni. Ular uni nafaqat yulduz sifatida, balki shaxs sifatida ham sevadilar.
Xulianning birinchi murabbiyi Rafael Varas edi. Kunduzi u haydovchi bo‘lib ishlagan va mahalliy viloyat do‘konlariga har xil mahsulotlarni tashigan, kechqurun esa nihoyat sevimli mashg‘uloti bilan shug‘ullangan – o‘sha “Atletiko Kalchin”da o‘g‘il bolalarga futbol o‘ynashni o‘rgatgan. U har doim Alvaresni o‘ziga xos deb hisoblagan va shuning uchun uni 2000 yilda emas, balki 1999 va 1998 yilda tug‘ilgan yoshi kattaroq yigitlar bilan mashq qilishga majbur qilgan. "Men uning murabbiyi emas edim", deydi Varas. - Xuliandek futbolchini qanday o‘rgatish mumkin? Siz unga faqat maslahat bera olasiz. Sakkiz-to‘qqiz yoshida to‘rt-beshta raqibni aldab o‘tib, rabona uslubi bilan gol urganini eslayman. Keyin nihoyat tushunib yetdimki, bizda hamma kabi emas, butunlay boshqacha saviyadagi futbolchi bor."
Xulian yulduzga aylanganida, u birinchi murabbiyda ish bilan muammo borligini bilgan: murabbiyining mashinasi supermarketlarga tovarlarni yetkazib berish uchun juda kichik edi. Alvaresning otasi Rafael Varasga qo‘ng‘iroq qilib: "Men sizning uyingizga boraman, ko‘chaga chiqing", dedi. Alvaresning otasi Varas uchun mashina olib kelgan edi.
Ha, Alvares jimgina birinchi murabbiyga yangi furgonni sovg‘a qildi, uning sig‘imi yetkazib berishga albatta yetarli bo‘lardi.
"Keyin Julian menga qo‘ng‘iroq qildi. O‘n daqiqa ichida men uch so‘zdan ortiq gapira olmadim. Yig‘lab yubordim, - dedi murabbiy bunday sovg‘adan olingan his-tuyg‘ular haqida.
Aytgancha, Xulian Alvaresning Messi bilan yana bir surati borligini yaqinda ko‘rdik.
2018 yilda "River Pleyt"ning allaqachon taniqli iste’dodi JCH-2018 ga tayyorgarlik ko‘rish uchun taklif qilindi - yo‘q, u kengaytirilgan ro‘yxatga kiritilmadi, ammo argentinalik yulduzlarga tayyorgarlik ko‘rishda yordam bergan sparring-hamkorlar tarkibida yig‘inga bordi. Jahon chempionati uchun (bu haqda Argentina futbol federasiyasi sayti xabar beradi). Mashqlarning biridan oldin ikkinchi fotosurat paydo bo‘ldi.
Va endi ular to‘liq sheriklar.
"Jahon chempioni bo‘lish barcha argentinaliklar uchun ham ajoyib bo‘ladi, chunki futbol Messiga qilgan barcha ishlari uchun qarzdor", dedi Alvares 2022 yil iyun oyida.
