Madridning “Atletiko” klubi Londonning “Chelsi” klubiga ikki hujumchi xizmatini taklif qildi. Jurnalist Nizar Kinsellaning so‘zlariga ko‘ra, Mateu Kunya va Joau Feliks taklif qilingan.
Eslatib o‘tamiz, "Chelsi" yanvar oyidagi transfer oynasida jarohat olgan, bu mavsum boshqa o‘ynamaydigan Armando Broyaning o‘rniga yangi hujumchi sotib olishi kerak.
Avvalroq "Chelsi" Feliksga qiziqish bildirayotgan edi, ammo klub portugaliyalik uchun 100 million yevrodan ko‘proq pul to‘lashga rozi bo‘ladimi yoki yo‘qmi, buni ko‘rish kerak. Kunyaga kelsak, braziliyalik futbolchiga APLning "Arsenal", "Vulverxempton" va "Everton" kabi klublari ham qiziqish bildirmoqda.