Tez orada futbol bo‘yicha jahon chempionati finali bo‘lib o‘tadi, shu munosabat bilan Fransiya prezidenti Emmanuel Makron Argentina bilan hal qiluvchi o‘yin uchun termaning jarohat olgan futbolchilarini Qatarga taklif qilishni rejalashtirmoqda. Biroq, Get French Football News nashrining yozishicha, ba’zi klublar, jumladan, "Yuventus" va "Bavariya" bunday tashabbuslarga ishtiyoq bildirmagan.
Aniqlik kiritilishicha, Turin klubi o‘zining yarim himoyachisi Pol Pogbani Qatarga qo‘yib yuborishdan o‘zini tiyyapti, chunki futbolchi uzoq vaqtdan beri jarohatidan forig‘ bo‘lmoqda.
Myunxen klubi, o‘z navbatida, Avstraliya bilan JCHning 1-turida (4:1) jarohat olgan, shundan so‘ng operasiya qilingan himoyachi Lukas Ernandesni qo‘yib yubormoqchi emas. Shu bois, "Bavariya" futbolchi operasiyadan keyin boshqa mamlakatga olti soatlik parvoz qilishni rejalashtirmayapti.
Fransiya va Argentina terma jamoalari o‘rtasidagi jahon chempionligi uchun hal qiluvchi bahs 18 dekabr, yakshanba kuni bo‘lib o‘tadi. Hakamning start hushtagi Toshkent vaqti bilan 20:00 da yangraydi.
