Тез орада футбол бўйича жаҳон чемпионати финали бўлиб ўтади, шу муносабат билан Франция президенти Эммануэль Макрон Аргентина билан ҳал қилувчи ўйин учун терманинг жароҳат олган футболчиларини Қатарга таклиф қилишни режалаштирмоқда. Бироқ, Get French Football News нашрининг ёзишича, баъзи клублар, жумладан, "Ювентус" ва "Бавария" бундай ташаббусларга иштиёқ билдирмаган.

Аниқлик киритилишича, Турин клуби ўзининг ярим ҳимоячиси Поль Погбани Қатарга қўйиб юборишдан ўзини тийяпти, чунки футболчи узоқ вақтдан бери жароҳатидан фориғ бўлмоқда.

Мюнхен клуби, ўз навбатида, Австралия билан ЖЧнинг 1-турида (4:1) жароҳат олган, шундан сўнг операция қилинган ҳимоячи Лукас Эрнандесни қўйиб юбормоқчи эмас. Шу боис, "Бавария" футболчи операциядан кейин бошқа мамлакатга олти соатлик парвоз қилишни режалаштирмаяпти.

Франция ва Аргентина терма жамоалари ўртасидаги жаҳон чемпионлиги учун ҳал қилувчи баҳс 18 декабрь, якшанба куни бўлиб ўтади. Ҳакамнинг старт ҳуштаги Тошкент вақти билан 20:00 да янграйди.