O‘tgan mavsumda "Neftchi" tarkibida mazmunli o‘yinlari orqali muxlislar mehrini qozongan yarim himoyachi Sirojiddin Qo‘ziyev Malayziyaning "Kuching City" klubiga transfer qilindi. Bu haqda "Neftchi" klubi matbuot xizmati xabar bermoqda.

"Ma’lumot uchun, Sirojiddin Qo‘ziyev mavsum davomida 20 ta uchrashuvda maydonga tushib, 5 ta gol muallifiga aylandi va 1 golga assistentlik qildi. Shu bilan birga, ushbu mavsumda jamoamizning to‘purarlar ro‘yhatida Abrorbek Ismoilov singari bir hil ko‘rsatkichga ega bo‘ldi.

Sirojiddin Qo‘ziyevning keyingi faoliyatida omad yor bo‘lishini tilagan holda, jamoamiz sharafini himoya qilishda qo‘shgan munosib hissasi uchun tashakkur aytib qolamiz!" - deyiladi farg‘onaliklar bayonotida.