Ўтган мавсумда "Нефтчи" таркибида мазмунли ўйинлари орқали мухлислар меҳрини қозонган ярим ҳимоячи Сирожиддин Қўзиев Малайзиянинг "Kuching City" клубига трансфер қилинди. Бу ҳақда "Нефтчи" клуби матбуот хизмати хабар бермоқда.
"Маълумот учун, Сирожиддин Қўзиев мавсум давомида 20 та учрашувда майдонга тушиб, 5 та гол муаллифига айланди ва 1 голга ассистентлик қилди. Шу билан бирга, ушбу мавсумда жамоамизнинг тўпурарлар рўйҳатида Аброрбек Исмоилов сингари бир ҳил кўрсаткичга эга бўлди.
Сирожиддин Қўзиевнинг кейинги фаолиятида омад ёр бўлишини тилаган ҳолда, жамоамиз шарафини ҳимоя қилишда қўшган муносиб ҳиссаси учун ташаккур айтиб қоламиз!" - дейилади фарғоналиклар баёнотида.
