"Torino" klubi "Atalanta"dan ijara asosida o‘ynayotgan yarim himoyachi Aleksey Miranchukni sotib olishni ko‘rib chiqmoqda, deb xabar beradi Tuttosport.
Turin klubi 27 yoshli rossiyalik uchun taxminan 12 million yevro to‘lashi kerak.
Miranchukning "Atalanta" bilan shartnomasi 2024 yilning 30 iyuniga qadar tuzilgandi, ammo endi ma’lum bo‘lishicha, Bergamo klubi shartnomani 2026 yilgacha uzaytirish uchun bir tomonlama huquqni ro‘yxatdan o‘tkazgan. Bu muzokaralar jarayonini murakkablashtiradi va "Torino"ga futbolchi uchun narxni tushirishga imkon bermaydi.
Joriy mavsumda yarim himoyachi A Seriyada 9 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
