"Торино" клуби "Аталанта"дан ижара асосида ўйнаётган ярим ҳимоячи Алексей Миранчукни сотиб олишни кўриб чиқмоқда, деб хабар беради Tuttosport.
Турин клуби 27 ёшли россиялик учун тахминан 12 миллион евро тўлаши керак.
Миранчукнинг "Аталанта" билан шартномаси 2024 йилнинг 30 июнига қадар тузилганди, аммо энди маълум бўлишича, Бергамо клуби шартномани 2026 йилгача узайтириш учун бир томонлама ҳуқуқни рўйхатдан ўтказган. Бу музокаралар жараёнини мураккаблаштиради ва "Торино"га футболчи учун нархни туширишга имкон бермайди.
Жорий мавсумда ярим ҳимоячи А Серияда 9 та ўйинда майдонга тушиб, 2 та гол урди ва 1 та голли узатмани амалга оширди.