Ispaniya terma jamoasi va “Barselona” himoyachisi Xordi Alba termadagi faoliyatini yakunlagan jamoadoshi, yarim himoyachi Serxio Busketsga murojaat qildi.

16 dekabr kuni 34 yoshli yarim himoyachi Ispaniya terma jamoasidagi faoliyatini yakunlaganini ma’lum qildi.

“Men sardor va jamoadoshim bilan faxrlanaman. Siz har doim yaxshi kunlarda ham, yomon kunlarda ham jamoa yetakchisi bo‘lgansiz. Shuncha yig‘in va terma jamoadagi o‘yinlardan so‘ng xayrlashasiz. Biz sizni juda sog‘inamiz, do‘stim. Bizga bergan barcha narsaningiz uchun rahmat. Siz noyobsiz”, deb yozdi Alba ijtimoiy tarmoqda.

Buskets Ispaniya terma jamoasi safida 2009 yilda 20 yoshida debyut qilgan. U butun vaqt davomida barcha musobaqalarda 143 o‘yinda qatnashib, ikkita gol urdi va to‘qqizta golli uzatmani amalga oshirdi.