Испания терма жамоаси ва “Барселона” ҳимоячиси Хорди Альба термадаги фаолиятини якунлаган жамоадоши, ярим ҳимоячи Серхио Бускетсга мурожаат қилди.

16 декабрь куни 34 ёшли ярим ҳимоячи Испания терма жамоасидаги фаолиятини якунлаганини маълум қилди.

“Мен сардор ва жамоадошим билан фахрланаман. Сиз ҳар доим яхши кунларда ҳам, ёмон кунларда ҳам жамоа етакчиси бўлгансиз. Шунча йиғин ва терма жамоадаги ўйинлардан сўнг хайрлашасиз. Биз сизни жуда соғинамиз, дўстим. Бизга берган барча нарсанингиз учун раҳмат. Сиз ноёбсиз”, деб ёзди Альба ижтимоий тармоқда.

Бускетс Испания терма жамоаси сафида 2009 йилда 20 ёшида дебют қилган. У бутун вақт давомида барча мусобақаларда 143 ўйинда қатнашиб, иккита гол урди ва тўққизта голли узатмани амалга оширди.