Madridning “Real” klubi va Fransiya terma jamoasi hujumchisi Karim Benzema terma jamoa murabbiylar shtabi bilan yana yaxshi munosabatda emas.
Qatarda bo‘lib o‘tayotgan jahon chempionati boshlanishi arafasida 34 yoshli futbolchi jarohat olgan, natijada u terma qarorgohini tark etgan va uyiga jo‘natilgan edi. L'Equipe nashri xabariga ko‘ra, "Oltin to‘p" sohibi terma jamoa joylashgan joyni tark etishni istamagan, biroq jamoa shtabining talablari tufayli bunga majbur bo‘lgan. Shu sababli Karim jahli chiqib, terma murabbiylarining vakillari bilan barcha aloqalarni uzishga qaror qildi.
“Lusail” stadionida Fransiya va Argentina terma jamoalari o‘rtasidagi uchrashuv bugun, 18 dekabr kuni bo‘lib o‘tadi. Shimon Marchinyakning start hushtagi Toshkent vaqti bilan 20:00 da yangraydi.
