Fransiya terma jamoasi darvozaboni Ugo Lyoris Qatarda bo‘lib o‘tgan jahon chempionati finalida mag‘lub bo‘lganidan keyin o‘z fikrlari bilan o‘rtoqlashdi.

Kecha fransuzlar Argentina terma jamoasiga qarshi eng yorqin o‘yinni o‘tkazishdi, ammo penaltilar seriyasida mag‘lub bo‘lishdi – 2:4. Uchrashuvning asosiy va qo‘shimcha vaqtida g‘olib nomi aniqlanmadi – 3:3.

"Avvaliga biz ko‘p xatolarga yo‘l qo‘ydik va yakkakurashlarda g‘alaba qozona olmadik, argentinaliklar esa munosib tarzda oldinga chiqib olishdi. Ammo ikkinchi bo‘limda hammasini Kilian Mbappening iqtidori hal qildi va u hisobni tenglashtirdi. Bu xuddi boks jangiga o‘xshardi", - dedi Lyoris RMC Sport bilan suhbatda..

Fransiya terma jamoasi kechagi o‘yinga qadar amaldagi jahon chempioni edi.