Франция терма жамоаси дарвозабони Уго Льорис Қатарда бўлиб ўтган жаҳон чемпионати финалида мағлуб бўлганидан кейин ўз фикрлари билан ўртоқлашди.

Кеча французлар Аргентина терма жамоасига қарши энг ёрқин ўйинни ўтказишди, аммо пенальтилар сериясида мағлуб бўлишди – 2:4. Учрашувнинг асосий ва қўшимча вақтида ғолиб номи аниқланмади – 3:3.

"Аввалига биз кўп хатоларга йўл қўйдик ва яккакурашларда ғалаба қозона олмадик, аргентиналиклар эса муносиб тарзда олдинга чиқиб олишди. Аммо иккинчи бўлимда ҳаммасини Килиан Мбаппенинг иқтидори ҳал қилди ва у ҳисобни тенглаштирди. Бу худди бокс жангига ўхшарди", - деди Льорис RMC Sport билан суҳбатда..

Франция терма жамоаси кечаги ўйинга қадар амалдаги жаҳон чемпиони эди.