“Milan” darvozaboni Mayk Menyan katta ehtimol bilan Italiya chempionatining 16-turida “Salernitana”ga qarshi o‘yinda maydonga tushmaydi, deb xabar beradi La Gazette Dello Sport.
27 yoshli fransiyalik futbolchi jarohatidan forig‘ bo‘lmoqda va klub futbolchini maydonga qaytishga majburlamoqchi emas.
Darvozabon 30 dekabr kuni PSVga qarshi o‘rtoqlik o‘yinida aniq maydonga tushmaydi, shuning uchun Menyan 4 yanvar kuni "Salernitana"ga qarshi o‘yinda asosiy tarkibdan joy olishi dargumon.
Mayk sentyabr oyida to‘pig‘idan, oktyabr o‘rtalarida esa boldiridan jarohat olgan, shu sababli 2022 yilgi Jahon chempionatini o‘tkazib yuborgan edi.
