Fransiya terma jamoasining ikki nafar futbolchisi jahon chempionati finalida muvaffaqiyatsizlikka uchragach, irqchilikka duchor bo‘ldi. Yarim himoyachi Aureliyen Tchuameni va hujumchi Randal Kolo Muani muxlislar tomonidan boshqa haqoratlarga yo‘l qo‘ymaslik uchun o‘zlarining ijtimoiy tarmoqlardagi sahifalarida sharhlarni yopishdi.
Eslatib o‘tamiz, Fransiya terma jamoasi kecha jahon chempionati finalida Argentinaga mag‘lub bo‘lgandi. Asosiy va qo‘shimcha bo‘limlardan so‘ng o‘yin 3:3 hisobidagi durang bilan yakunlandi. Ikkinchi qo‘shimcha bo‘lim oxirlarida Kolo Muani g‘alaba golini urish uchun ajoyib imkoniyatga ega bo‘ldi, ammo darvozabon Emiliano Martines uning zarbasini qaytarishga muvaffaq bo‘ldi. Randal penaltilar seriyasida o‘z zarbasini amalga oshirgan bo‘lsa-da, Fransiya Tchuameni va Kingsli Komanning noaniq amalga oshirgan penaltilari tufayli mag‘lub bo‘ldi.
Kolo Muani va Tchuameni Qatardagi jahon chempionatida bittadan gol urishdi.
