Франция терма жамоасининг икки нафар футболчиси жаҳон чемпионати финалида муваффақиятсизликка учрагач, ирқчиликка дучор бўлди. Ярим ҳимоячи Аурелиен Тчуамени ва ҳужумчи Рандал Коло Муани мухлислар томонидан бошқа ҳақоратларга йўл қўймаслик учун ўзларининг ижтимоий тармоқлардаги саҳифаларида шарҳларни ёпишди.
Эслатиб ўтамиз, Франция терма жамоаси кеча жаҳон чемпионати финалида Аргентинага мағлуб бўлганди. Асосий ва қўшимча бўлимлардан сўнг ўйин 3:3 ҳисобидаги дуранг билан якунланди. Иккинчи қўшимча бўлим охирларида Коло Муани ғалаба голини уриш учун ажойиб имкониятга эга бўлди, аммо дарвозабон Эмилиано Мартинес унинг зарбасини қайтаришга муваффақ бўлди. Рандал пенальтилар сериясида ўз зарбасини амалга оширган бўлса-да, Франция Тчуамени ва Кингсли Команнинг ноаниқ амалга оширган пенальтилари туфайли мағлуб бўлди.
Коло Муани ва Тчуамени Қатардаги жаҳон чемпионатида биттадан гол уришди.
