«Milan» yarim himoyachisi Ismoil Bennaser Angliya premyer-ligasiga o‘tmaydigan ko‘rinadi.
La Gazzetta dello Sport xabariga ko‘ra, 25 yoshli jazoirlik futbolchi «rossonerilar» bilan yangi shartnoma imzolashga tayyor. Amaldagi mehnat shartnomasi Bennaserni 2023/2024 yilgi mavsum oxirigacha «Milan» bilan bog‘laydi, bu esa uning uzoq muddatli kelajagini shubha ostiga qo‘yadi.
Avvalroq, Ismoil Bennaserga «Manchester Yunayted» va «Liverpul» klublari faol qiziqish bildirayotgani xabar qilingandi.
Ismoil Bennaser 2019 yilning yozidan buyon «Milan»da to‘p tepmoqda. O‘shandan beri jazoirlik futbolchi 126 ta rasmiy o‘yin o‘tkazib, 4 ta gol urdi va 8 ta golli uzatmani amalga oshirdi.