«Милан» ярим ҳимоячиси Исмоил Беннасер Англия премьер-лигасига ўтмайдиган кўринади.
La Gazzetta dello Sport хабарига кўра, 25 ёшли жазоирлик футболчи «россонерилар» билан янги шартнома имзолашга тайёр. Амалдаги меҳнат шартномаси Беннасерни 2023/2024 йилги мавсум охиригача «Милан» билан боғлайди, бу эса унинг узоқ муддатли келажагини шубҳа остига қўяди.
Аввалроқ, Исмоил Беннасерга «Манчестер Юнайтед» ва «Ливерпуль» клублари фаол қизиқиш билдираётгани хабар қилинганди.
Исмоил Беннасер 2019 йилнинг ёзидан буён «Милан»да тўп тепмоқда. Ўшандан бери жазоирлик футболчи 126 та расмий ўйин ўтказиб, 4 та гол урди ва 8 та голли узатмани амалга оширди.
