Ispaniyada “Barselona”ning so‘nggi mavsumi “Yangi davr” haqidagi hujjatli serialning premerasi bo‘lib o‘tdi.
Hech qachon ko‘rilmagan kadrlar orasida bosh murabbiy Xavi Ernandes o‘yinlar oldidan futbolchilarga murojaat qiladi. Xavi La Liga doirasida "Real Madrid" ustidan mehmonda 4:0 hisobida g‘alaba qozongan o‘yin oldidan jamoaga shunday gapirgan:
"Qiziq, bugun Madridda o‘zimni kutganimdan ham xotirjam his qilyapman. Men asabiyroq bo‘laman deb o‘ylagandim, lekin men juda xotirjamman, nega bilasizmi?
Bu biz g‘alaba qozonishni istagan o‘yin. Agar siz maydonda bor kuchingizni berib, birga qolsangiz, biz jamoa sifatida “Real”dan yaxshiroqmiz", degan Xavi.
