"Real"ning sobiq bosh murabbiyi Zinedin Zidan shu yilning bahorida "Manchester Yunayted" yoki "PSJ"ni boshqarishi mumkin edi. Jurnalist Roman Molinaning so‘zlariga ko‘ra, fransuz bu klublardan juda foydali moliyaviy taklif olgan, biroq yakunda ishni rad etishga qaror qilgan.
Zidanning o‘zi Fransiya terma jamoasiga ishga kirishga umid qilgan, ammo 2016 yildan buyon "ko‘klar"ni 3 marta yirik turnirlar finaliga olib chiqqan hozirgi murabbiy Didye Desham terma jamoani tark etadimi yoki yo‘qmi, bu aniq emas.
Zidan 2021 yilning yozida “Real”ni tark etishga qaror qilganidan beri ishsiz edi.
