Ijtimoiy tarmoqlarda samolyot uchuvchisi Argentina terma jamoasi Qatardagi jahon chempionatida g‘olib chiqqanini yo‘lovchilarga e’lon qilgan video tarqaldi.
Rio-de-Janeyroga uchayotgan samolyot kapitani argentinaliklarning chempionligini e’lon qildi, shundan so‘ng yo‘lovchilar va ekipaj a’zolari bayram qilishni boshladi.
Samolyot Argentinadan Fransiyaga qarshi final o‘yinining birinchi bo‘limi oxirida havoga ko‘tarilgan, shuning uchun bortdagi odamlar natijani bilishlarini intiqlik bilan kutishgan.
“5902-reysimizga xush kelibsiz, biz Rio-de-Janeyroga soat 17:10 da yetib borishimiz kerak. Sizlarga esa yangiligim bor: biz jahon chempionlarimiz”, - dedi sardor.
Yana bir reysning videosi ham e’lon qilindi, unda yo‘lovchilarning Argentina terma jamoasining g‘alabasi haqidagi e’loniga juda emosional munosabati ham aks ettirilgan.
