"Atletiko Madrid" himoyachisi Felipe qishda jamoani tark etishi mumkin, deya xabar beradi jurnalist Fabrisio Romano.
33 yoshli futbolchi uchun Braziliyaning bir qator klublari va Angliyaning "Vulverxempton" klublari qiziqish bildirmoqda. Madridliklar jamoasi yanvar oyida futbolchini sotish niyatida, chunki u bosh murabbiy Diyego Simeonening rejalariga kiritilmagan.
2022/23 yilgi mavsumda Felipe “Atletiko”ning 3 ta uchrashuvida qatnashdi va samarali harakatlari bilan ajralib tura olmadi.
Felipe 2019 yilning iyulidan beri Madridda o‘ynamoqda, uning klub bilan shartnomasi 2023 yilning iyun oyi oxirigacha amal qiladi. Transfermarkt.com portali himoyachining narxini 3 million yevroga baholamoqda.