"Атлетико Мадрид" ҳимоячиси Фелипе қишда жамоани тарк этиши мумкин, дея хабар беради журналист Фабрицио Романо.
33 ёшли футболчи учун Бразилиянинг бир қатор клублари ва Англиянинг "Вулверхэмптон" клублари қизиқиш билдирмоқда. Мадридликлар жамоаси январь ойида футболчини сотиш ниятида, чунки у бош мураббий Диего Симеоненинг режаларига киритилмаган.
2022/23 йилги мавсумда Фелипе “Атлетико”нинг 3 та учрашувида қатнашди ва самарали ҳаракатлари билан ажралиб тура олмади.
Фелипе 2019 йилнинг июлидан бери Мадридда ўйнамоқда, унинг клуб билан шартномаси 2023 йилнинг июнь ойи охиригача амал қилади. Transfermarkt.com портали ҳимоячининг нархини 3 миллион еврога баҳоламоқда.