Argentina terma jamoasi va "PSJ" hujumchisi Lionel Messi katta ehtimol bilan Parij klubi bilan shartnomasini uzaytiradi. Bu haqda Mundo Deportivo xabar bermoqda.
Manbaga ko‘ra, argentinalik hujumchining "PSJ"da qolish ehtimoli 90 foizni tashkil etadi. Messi Yevropadan tashqaridagi klubga o‘tishni istamayapti, yana kamida ikki yil yuqori saviyada o‘ynashda davom etishni xohlaydi.
"PSJ" moliyaviy feyr-pley tufayli Messi bilan shartnomani uzaytira olmasagina "Barselona"ga o‘tish mumkin.
35 yoshli Messi joriy mavsumda parijliklar safida 19 ta o‘yinda maydonga tushib, 12 ta gol urdi va 14 ta golli uzatmani amalga oshirdi.
