Аргентина терма жамоаси ва "ПСЖ" ҳужумчиси Лионель Месси катта эҳтимол билан Париж клуби билан шартномасини узайтиради. Бу ҳақда Mundo Deportivo хабар бермоқда.
Манбага кўра, аргентиналик ҳужумчининг "ПСЖ"да қолиш эҳтимоли 90 фоизни ташкил этади. Месси Европадан ташқаридаги клубга ўтишни истамаяпти, яна камида икки йил юқори савияда ўйнашда давом этишни хоҳлайди.
"ПСЖ" молиявий фейр-плей туфайли Месси билан шартномани узайтира олмасагина "Барселона"га ўтиш мумкин.
35 ёшли Месси жорий мавсумда парижликлар сафида 19 та ўйинда майдонга тушиб, 12 та гол урди ва 14 та голли узатмани амалга оширди.
