2022 yilgi mavsumda «Bunyodkor» safida to‘p tepgan rossiyalik futbolchi Pavel Mogileves Sport24 muxbiriga bergan intervyusida O‘zbekistondagi faoliyati haqida to‘xtalib o‘tdi.

— O‘zbekistonni futbol mamlakati deb aytish qiyin.
— Ko‘pchilikdan O‘zbekiston haqida so‘radim. Menga O‘zbekistonda o‘ynash taklifini do‘stim Sergey Tumasyan berdi. Bundan tashqari, men Vitaliy Denisov, Yevgeniy Makeev bilan gaplashdim va oz-moz bo‘lsa-da tasavvurga ega bo‘ldim.

— Ko‘rgan narsalaringizni aytib bersangiz.
— Bu yerda o‘zimni yaxshi his qilyapman. Umuman olganda, O‘zbekistonda kerakli bo‘lgan barcha narsalar bor. Mahalliy futbolning o‘ziga xos jihati bor. Rossiya futboliga nisbatan samimiyroq. Ehtiroslarga to‘la. Urg‘u ko‘proq individual harakatlarga qaratiladi, taktika kamroq.

Saviya borasida Rossiya Birinchi ligasiga o‘xshaydi. «Paxtakor», «Nasaf» va «Navbahor» klublari Rossiya premyer-ligasining o‘rtamiyona jamoalari — «Orenburg» yoki «Krilya Sovetov» darajasida.