Turkiyaning “Beshiktosh” klubi va Niderlandiya terma jamoasi hujumchisi Vout Vegorst Qatarda bo‘lib o‘tgan JCH-2022 chorak final o‘yinidan so‘ng (3:3, 4:2 pen.) “PSJ” va Argentina terma jamoasi hujumchisi Lionel Messi bilan yuzaga kelgan mojaro haqida gapirdi.
“Men uchun o‘yin davomida hamma teng. Men doim kurashaman. O‘sha uchrashuvda ham shunday bo‘lgandi. O‘yin davomida Messi bilan bir nechta kurashlarda qatnashdim, balki bu uni hayratda qoldirgandir. Men uni juda hurmat qilaman, u tarixdagi eng yaxshi futbolchilardan biri. O‘yindan keyin unga hurmatimni ko‘rsatmoqchi bo‘ldim, ammo u bunga tayyor emasdi shekilli. Ammo endi u mening ismimni biladi, bu men uchun yaxshi », - deya Vegorstdan iqtibos keltiradi CNN.
O‘yindan so‘ng hujumchilar o‘rtasida mojaro kelib chiqdi, Messi Vegorstni ahmoq deb atadi va argentinalik futbolchi intervyu berayotgan paytda oldidan ketishini aytdi.
