Туркиянинг “Бешиктош” клуби ва Нидерландия терма жамоаси ҳужумчиси Воут Вегорст Қатарда бўлиб ўтган ЖЧ-2022 чорак финал ўйинидан сўнг (3:3, 4:2 пен.) “ПСЖ” ва Аргентина терма жамоаси ҳужумчиси Лионель Месси билан юзага келган можаро ҳақида гапирди.
“Мен учун ўйин давомида ҳамма тенг. Мен доим курашаман. Ўша учрашувда ҳам шундай бўлганди. Ўйин давомида Месси билан бир нечта курашларда қатнашдим, балки бу уни ҳайратда қолдиргандир. Мен уни жуда ҳурмат қиламан, у тарихдаги энг яхши футболчилардан бири. Ўйиндан кейин унга ҳурматимни кўрсатмоқчи бўлдим, аммо у бунга тайёр эмасди шекилли. Аммо энди у менинг исмимни билади, бу мен учун яхши », - дея Вегорстдан иқтибос келтиради CNN.
Ўйиндан сўнг ҳужумчилар ўртасида можаро келиб чиқди, Месси Вегорстни аҳмоқ деб атади ва аргентиналик футболчи интервью бераётган пайтда олдидан кетишини айтди.