"Barselona" prezidenti Joan Laporta kataloniyaliklar yarim himoyachisi Frenki de Yongni jamoada olib qolmoqchi ekanligini aytdi.
“Biz hech qachon de Yongni sotishni xohlamaganmiz, u jamoamizning asosiy o‘yinchilaridan biri. Men uchun Frenki yetakchilardan biri, biz unga haqiqatan ham ishonamiz. Ishonchim komilki, biz ko‘p narsaga erisha olamiz", - dedi Laporta Barca TV'ga bergan intervyusida.
25 yoshli De Yong joriy mavsumda "Barsa" safida 22 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.