"Барселона" президенти Жоан Лапорта каталонияликлар ярим ҳимоячиси Френки де Йонгни жамоада олиб қолмоқчи эканлигини айтди.
“Биз ҳеч қачон де Йонгни сотишни хоҳламаганмиз, у жамоамизнинг асосий ўйинчиларидан бири. Мен учун Френки етакчилардан бири, биз унга ҳақиқатан ҳам ишонамиз. Ишончим комилки, биз кўп нарсага эриша оламиз", - деди Лапорта Barca TV'га берган интервьюсида.
25 ёшли Де Йонг жорий мавсумда "Барса" сафида 22 та ўйинда майдонга тушиб, 2 та гол урди ва 2 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.