Lionel Messi 2023 yilning yozida "PSJ"ni tark etmaydi.
Klub prezidenti Nosir Al-Xelayfi 2022 yilgi jahon chempionati vaqtida hujumchining otasi bilan uchrashgan. Uchrashuv davomida Messi klubda yana bir mavsum o‘tkazishi haqida og‘zaki kelishuvga erishildi.
Relevo xabariga ko‘ra, Messi hech qachon "Barselona"ga qaytishga yaqin bo‘lmagan, chunki klubdan hech qanday taklif bo‘lmagan.
Birinchi qadam Laportaning qo‘ng‘irog‘i va kechirim so‘rashi kerak edi, ammo bu ro‘y bermadi. Oradan bir yarim yil o‘tgach, futbolchining "Barselona" prezidenti bilan munosabatlari tarangligicha qolmoqda - Messining fikricha, Laporta undan foydalangan.
Qolaversa, 2022 yilgi jahon chempionatida g‘alaba qozonganidan so‘ng, Messi yana Chempionlar ligasida g‘alaba qozonish niyatida. "PSJ" loyihasi unga "Barselona"ga nisbatan ishonchliroq ko‘rinadi.
Oldinroq Joan Laporta Lionel Messining "Barselona"ga qaytishi masalasini muhokama qilmoqchi ekani xabar qilingandi. Argentinalik futbolchining "PSJ" bilan shartnomasi 2023 yilning yoziga qadar amal qiladi.
