"Arsenal" bosh murabbiyi Mikel Arteta avvalroq shaxsiy sabablarga ko‘ra Qatarda bo‘lib o‘tgan jahon chempionatida Angliya terma jamoasini tark etgan himoyachi Ben Uaytning ahvoli haqida gapirdi.
Eslatib o‘tamiz, ketishga “uch sherlar” bosh murabbiyi Garet Sautgeytning yordamchisi bo‘lgan Stiv Xolland bilan mojaro sabab bo‘lgani haqida mish-mishlar tarqalgan edi.
"Ben shaxsiy sabablarga ko‘ra terma jamoani tark etdi. Biz uni qo‘llab-quvvatlash va uni to‘g‘ri muhit bilan o‘rab olish uchun qo‘limizdan kelganini qilishga harakat qildik. U ajoyib o‘yin ko‘rsatadi. Kelajakda biz undan shuni kutamiz", — dedi Arteta Daily Express bilan suhbatda.
