"Manchester Yunayted" bosh murabbiyi Erik ten Xag hozircha Argentina terma jamoasining jahon chempionatidagi g‘alabasini nishonlayotgan markaziy himoyachi Lisandro Martines qachon maydonga qaytishi haqida ma’lumot bermadi.
"Varan va Martinesning qaytishi? Bizda hamma uchun reja bor. Ularning har ikkisi ham jahon chempionatidan keyin tanaffusga chiqishgan. Lisandroga kelsak, uning qachon qaytishini aytish qiyin. Martines Argentinada hamon bayramni nishonlamoqda. Biz hamma bilan aloqadamiz va futbolchilar tezroq qaytishiga umid qilamiz" - dedi ten Xag matbuot anjumanida.
Eslatib o‘tamiz, Martines shu yozda Amsterdamning "Ayaks" klubidan "Manchester Yunayted"ga o‘tgan edi.
